單車日誌…不歸路

2014年2月23日（星期日）

近年踩單車熱潮越來越烈⋯睇報紙訪問報道⋯香港有人擁有4部名牌單車價值超過百萬，其中「環法單車賽」冠軍單車「公路車版」價值 20 幾萬⋯嗰位仁兄對單車熱愛簡直係⋯超超級發燒友。

而我就熱愛踩單車嗰種⋯自由（鍾意踩到邊度，幾時停車都得又唔怕抄牌）、清靜（可以避開嘈雜人群細聽自己嘅心跳聲）、孤獨（呢樣感覺好個人嘅）⋯呢啲因素令我不能放棄單車⋯走上不歸路。

毛爸 :你「孤獨」嘅時候影子就係你嘅朋友...

毛爸 : 呢種「清靜」同「孤獨」係喺深夜或者凌晨先至感覺到...