毫無保留

2014年2月2日（星期日）

原先計劃新年假期到大陸踩 3 日單車（270公里）⋯但因肋骨傷未復原被迫取消，留低喺屋企全力照顧家人。

原來要滿足家人嘅"三餐茶兩餐飯"係一啲都唔間單⋯攰過返工。

早餐～煎年糕、蘿蔔糕、冲泡靚茶...
午餐～煮海鮮湯、烏冬...
下午茶～要落街買麵包同蛋糕...
晚飯～煮九大鬼...
宵夜～批皮同切三種生果（芒果、蘋果、沙田柚）...

最後洗碗清潔廚房，期間要帶毛少散步（早、傍晚）、清潔騎樓洗尿板⋯差啲一日嘅時間都唔夠用，忙到人都癲⋯

毛爸 : 忙到自己性乜都唔記得...偷懶嗰陣有毛少陪...

毛爸 : 呢種係令我最滿足嘅回報...