地獄(開工)見聞...神秘工程任務

2014年2月17日（星期一）

前幾日⋯接到一個神秘工程任務⋯工作人員要係澳門人、要受過工業安全訓練、要準備⋯安全帽、反光衣、安全鞋⋯工程項目係落到隧道做放線安裝天線工作⋯工作環境係一條空間約 2米 X 2米，長超過1000米嘅隧道。

落隧道工作係有一套嚴格嘅安全守則⋯除咗要安全主任帶領入場之外、仲要登記身份、岀入井口時間同留低張個人工作証喺入口報告板上⋯

毛爸 : 睇唔到盡頭嘅隧道...空氣質數...麻麻...