令人憂心嘅毛毛...要見范醫生．急

2016年10月2日（星期日）

毛毛今朝開始冇晒心機又唔願郁，我哋出街唔歡送我哋、我哋返屋企冇出嚟歡迎我哋，我自己心諗毛毛傷得好犀利、好痛？好彩仲有胃口食餐...

打電話去診所掛號⋯李醫生放大假連相熟嘅醫生都放晒假。我哋經小姨約到范醫生（范醫生係一位出色嘅動物外科醫生），范醫生提早一小時為毛毛診症⋯醫生檢查毛毛腰椎、後腳⋯。

結果⋯醫生讚毛毛後腳關節、腰椎都好正常、實情毛毛腰椎未完全康復同時再觸動舊患產生痛楚所以情緒低落，醫生建議醫冶方法好簡單⋯將毛毛困籠4星期就會好番。

毛毛：困籠？我由BB開始已經唔使困籠喇...醫生，你唔好開玩笑啦...