肥仔日誌開張

今日天氣暖左，約20度，陽光普照。9點鐘，又要返工。今日係農曆十二月初一，好快又到鼠年喇。年紀大左就冇乜記性，突然想寫低自己既每日係點樣過，更加唔想忘記同心兒一齊開心既生活。

聽到消息同事祖家發生大事，臨時要請一個星期假返日本，咁會影響我既假期同工作安排。公司人手唔夠，無奈心兒打電話俾我要幫同事買錄音筆，買Oggi雜誌。

晚餐食薯仔煎蛋、豉油皇蒸豆腐、枸杞菜、紫菜蕃茄豆腐湯、木瓜同埋橙。

夜喇！要上床喇！