街霸，毛毛

2013年11月27日（星期三）

喺我哋住嘅附近一帶毛毛都好出名⋯毛毛以外形靚仔、行為飛仔而聞名。

格離屋啲人都唔敢同毛毛一齊搭電梯，大堂管理員、收垃圾嘅阿姨一見我帶住毛毛就唔會同我哋打招呼（佢哋驚毛毛狂吠佢哋），巴士站等車啲阿叔一見毛毛就會左閃左避。

出到街嘅毛毛見到狗就會向對方挑戰永不退縮⋯附近好多狗無論大形、小形一見毛毛⋯有啲就會驚到避開（見到毛毛好似見鬼咁），有啲就連吠都費事吠(當毛毛吠係唱歌）⋯

今朝遇到一隻大金毛狗、一隻臘腸狗（我哋大家相識咖）⋯見到毛毛扎行馬⋯佢哋冇出聲咁慢慢行開（好彩，唔係打交都有份）。

毛毛 : 乜 ~ 「飛仔」有樣睇咖咩？我似「惡狗」？

毛爸 : 你似「爛仔」失禮你阿媽同我呀...