毛爸毛媽毛毛豬: 毛毛跳唔上梳化？

2014年6月2日星期一

毛毛跳唔上梳化？

2014年5月31日（星期六）

噚日傍晚⋯我坐喺梳化聽歌，毛毛同平日一樣跳上嚟梳化陪我。

但毛毛跳嗰陣因為撞到凳邊而跳唔上梳化，毛毛要坐低一陣先可以再跳⋯睇嚟今次撞得好痛，

發現過幾次毛毛要助跑先可以跳上梳化，情況就好似彈跳力唔夠咁⋯原來咁嘅情況係一種危機嘅先兆。有獸醫講狗狗經常狂跑、急停、急轉身、跳高⋯都會容易造成「前十字韌帶及半月板撕裂」，亦都同狗狗身體過重有關，

毛毛已經6歳係時候做一個全身檢查保健喇。