毛爸毛媽毛毛豬: 動物保護法，何時會建立？

2014年6月21日星期六

動物保護法，何時會建立？

2014年6月20日（星期五）

今早喺澳廣視新聞睇到一段由政府發出嘅新聞片⋯內容係關於「動物保護法」立法⋯交立法會、討論、評審⋯（簡單啲講⋯要等），雖然政府將個波（法案）交咗俾議員們⋯最後都係要等。我哋爭取「動物保護法」立法⋯三年又三年⋯到現在都係要繼續等⋯等。

我有一㮔睇法⋯「動物保護法」對於我哋一羣愛狗人士同專重生命嘅一羣人嚟講「根本冇必要」，因為我哋視動物（狗狗）為家庭成員，專重佢哋係一條寶貴嘅生命。

我爭取「動物保護法」成立係可以用法律嚟制裁嗰啲用不法手段、不必要、不人道、殘忍、虐待動物嘅人，而嗰類人應該負上法律責任。

動物保護法嘅精神係保護同人類生存喺地球上、任由人類支配、冇能力威脅人類嘅弱勢動物，佢哋係人類嘅朋友亦都係寶貴嘅生命⋯我哋係要尊重同保護佢哋。