條脷好長好長嘅毛毛「擔襪仔」

2014年6月28日（星期六）

 

 

毛毛每日最高興同失落嘅時間就係我哋換衫返工嘅時候⋯

高興～每朝必玩「擔襪仔」，唔知點解毛毛由bb開始到現在玩極都唔厭，而且越玩越斯文⋯以前必咬爛到而家自動擔番俾我⋯好聽話。

失落～我同毛媽一齊出門⋯毛毛就覺得我哋「遺棄」佢咁（我喺＂天眼＂見到毛毛⋯我哋離開之後佢要坐喺大門口一直咁望大門直到聽唔到我哋啲聲先至肯行開），而家每逢我哋一齊出門⋯我都俾零食獎勵毛⋯等佢覺得我哋返工係一件開心嘅事⋯

 

毛毛：毛爸，來丫...嚟追我丫...你追我唔倒、你追我唔倒...

 

毛爸：雖然每日短短分零鐘...但毛毛就玩到好開心...最後自動擔番俾我...仲有獎勵...

 

遲一兩分鐘出門對我嚟講根本冇乜影響...但呢小小時間毛毛就得到好大滿足...