毛毛心聲…兒童節去咗氹仔生態保護區散步

2014年6月3日（星期二）

 

 

呢排因為太熱取消晒所有嘅戶外活動⋯毛爸怕我「中暑」。

星期日一早毛爸嚫太陽冇咁矖帶咗我去氹仔舊單車徑後段嘅生態保護區玩，嗰度而家乾淨咗好多同好清靜（冇其他人，我哋包場），可惜嘅係行咗、跑咗一陣⋯陽光開始猛烈冇得玩「執波波」⋯要返歸。

 

毛毛：毛爸，你都好霸道喎，你駕車打橫泊咗3個米錶位喎...你大晒咩？

 

毛爸：毛仔，冇事嘅...咁早...我包咗場...

 

毛毛：毛爸，細聲啲啦...喺我後面有好多雀仔仲瞓緊覺咖...薯～

 

毛毛：毛爸，呢度馬路又平又闊又唔曬可以喺度玩執波波喎...

 

毛爸：毛仔，馬路係俾車行咖...小朋友喺度玩係好危險咖...