單車日誌...小休復出

2013年9月8日（星期日）5：30 陽光第一線 有風 26度

大大話話都成個幾星期冇出去運動操練喇...醫生強調患感冒要多啲休息...絕對不能過度操練。

呢兩日體能已經完全復原，係時候出去踩番轉單車做個輕鬆練習，今早5點半裝好身出發...一直踩到日出，原來星期日朝早5點至7點嗰段時間氹仔至路環嘅路面係最少車行最清靜，今早有啲秋天嘅涼意又有風所以...踩單車非常享受。

                                         毛爸 : 清晨嘅景色有一種好特別嘅吸引力...

                                        毛爸 : 熱完身之後踩踩吓就勁咳...要停車休息吓...

毛爸 : 今日嘅「日出」超靚...感動...

毛爸 : 輕輕鬆鬆...踩單車個零鐘...踩20公里...