毛毛心聲…原來係預早慶祝「母親節」

2014年5月10日（星期六）

今朝一早⋯雖然落過雨地下又濕⋯但毛爸都帶我出街散步（呢幾日⋯日夜都係行停車場咋），返到屋企毛爸又准我自己玩藍色波波，今朝仲有我最鍾意嘅羊肉餐食⋯

吓～今日我生日咩？（我好似兩個月前已經慶祝咗生日啦）。

哦～原來事情係咁⋯聽日係「母親節」毛爸今日開始慶祝，除咗媽咪梗係我毛少爺最著數啦！

 

 

毛毛：年年慶祝母親節我都好著數咖...爽呀！

 

 

毛毛：一早就同毛爸出去行街街...舒服呀！

 

毛毛：嘩～嘩～嘩～羊肉做早餐...富貴呀！

毛爸：喂～喂～「母親節」係你媽咪嘅節日喎...毛仔，你係唔係過份咗少少呀？