毛毛：有外敵入侵！打到嚟喇！

2014年5月26日（星期一）

 

 

話說前日朝早⋯我煮緊早餐，太太開著電視做早操⋯毛毛喺度等緊「執死鷄」，毛毛突然「扎晒馬」向大門口方向不停咁狂吠（門口旁邊就係大電視機），當初我同太太都以為毛毛係吠電視機發出嘅聲⋯但電視已經轉晒畫面內容⋯毛毛仲好緊張咁繼續吠，我細心聽⋯原來係「門鈴聲」仲下停咁響⋯叮噹叮噹叮噹⋯檢查之下⋯門鈴痴咗線，毛毛真係機警⋯要讚。

 

毛毛：毛爸，有人嚟「踩場」呀！

 

毛爸：毛仔，你諗多咗喇...係門鐘壞咗咋...