重遊龍爪角海岸徑

2014年10月12日（星期日）

自從上次之後⋯已經好耐冇嚟過龍爪角行山，深刻記得上次帶毛毛來行山遇上驚怕難忘嘅經驗。

嗰日自備嘅食水飲晒⋯毛毛支水又遺失咗⋯當時令毛毛中暑（好彩冇事）。今次帶備足夠食水同後備食物，多次檢查裝備先出發，要求做到零意外發生⋯

毛毛：上次嚟呢度玩因為太熱同冇水飲...毛爸抱住我跑咗半個山去急救...

毛爸：今朝天氣非常乾爽...行山一流...

毛爸：毛毛好似好熟路咁一馬當先...帶路...

毛爸：喺呢度望海...令人心境平靜...