香薰

2014年10月28日（星期二）

屋企人對於「香氣、香味」好受落包括我仙遊嘅母親大人，屋企人有用香水同點「香薰」嘅習慣。

記得細個嗰陣母親經常買花返屋企插⋯茉莉花、白蘭花、米仔蘭、薑花，我最愛係薑花，呢種白色花帶有一種神秘香氣⋯一聞令人念念不忘。

過去嘅二十年每年六月至十月…幾乎每星期都會買薑花返屋企插⋯每次一大軋，花檔檔主當初覺得我係一個奇怪嘅人⋯到今日檔主會留定啲靚花俾我⋯還可以「簽單」遲啲先找數。

毛爸：薑花...可惜花期只有 3～4日拾蚊全屋都充滿香氣...