毛毛心聲...相聚一刻

2014年10月12日（星期日）

我第一次見 mat師兄係喺一間出名嘅寵物美容店，當時毛媽帶我去嗰度剪裝，嗰陣有位訓犬師同師母一齊幫mat師兄帶頸帶而mat師兄極力反抗不肯就犯，表現無比勇猛⋯由嗰日開始我毛毛已經下定決心⋯大個之後要學mat師兄咁威猛。

我哋狗狗一生有幾多個一年丫？轉眼我同mat師兄相識 5 年幾⋯我哋一齊受訓經常一齊出席活動一齊玩，現在mat師兄要全家移民，今後只有喺「面書」度見面而唔可以一齊玩⋯咁⋯令我唔開心。

毛爸話凡事都要向好方面睇⋯聽師母講mat師兄住嘅地方前面有花園同泳池，周圍仲有好多索女，mat師兄可以日日跑草地、游水、溝女⋯一定生活得好幸福，我毛毛聯同荳B、大介眾師弟祝mat師兄今後身體健康、快快樂樂⋯再見喇！

毛毛：呢位係我大師兄MAT MAT

毛毛：呢位係我二師兄荳B...

毛毛：我毛毛排第三

毛毛：呢位係我小師弟大介

毛毛：後面嗰幾位梗係最錫我哋媽咪啦...