人性、獸性

2014年10月25日（星期六）

前排睇咗個電視特輯講述寵物離世主人傷心欲絕，程度有如失去子女。

有人質疑：死咗隻寵物啫⋯係唔係會咁傷心呀？（對冇養過寵物嘅人嚟講佢哋冇辦法理解）個問題係人對人類以外嘅動物、生命有唔同睇法嘅分其。

人同動物都係自然生態嘅其中一種生物，野生動物會為咗生存而殘忍殺陸⋯呢啲係佢哋嘅本質「獸性」。

人類身為萬物之靈嘅高等生物，有思想、智慧、愛心、同情心、呢啲係我哋嘅本質「人性」某程度上幾乎對所有嘅野都能支配一切⋯但好難理解仲有一部份人依然對一啲小動物、寵物施行傷害、殘殺⋯唔通呢啲人⋯係⋯仲未進化到「人類」嘅「禽獸」⋯

毛毛：我冇打算講我哋啲同類點樣俾某啲人傷害...因為我哋根本冇能力制止...

毛毛：但我相信世上仲有好多好有愛心嘅人士。喺呢度我想傳達我哋嘅心聲...

你（妳）可以唔愛我哋，但請你（妳）不要傷害我哋...