看海

2014年10月4日（星期六）

噚晚落好大雨⋯到凌晨都有小雨，心諗天氣繼續壞聽日又唔可以帶毛毛出街散步。

今早地面仲好濕但冇落雨，諗起自己經常講嘅説話「活在當下」⋯就要坐言起行，講真⋯都唔知聽朝會唔會天氣又變壞，嚫今早許可嘅情況下帶毛毛出去玩⋯

 

毛毛：今早有少少太陽曬又有海風...超舒服呀....

 

毛爸：毛毛雖然好心急好興奮開心...都仲好聽指令...乖仔...讚...

 

毛毛：媽咪話唔可以亂跑草地咖...有蚤咖...

 

毛爸：嘩～蚤...見識過...怕怕...怕得很...

 

毛毛：同毛爸睇海...吹海風...吹水...簡簡單單...好開心呀...

 

 

毛爸：毛仔今朝好忙...每條石柱都放低「幾両」...