生日會

今朝同平時o既星期六一樣，陪太太買菜買早餐。一早有外勤送貨，所以九點幾我已經返到公司安排工作，一切尚算順利。心情好，時間過得特別快(如果日日係咁就好喇)。今日早收工去參加 “BB”o既生日會。

晚上七點我去緊格蘭酒店途中，阿MI打電話來：阿哥，你o係邊呀？你依家仲未到o既？快o的黎喇。余：我黎緊，就到喇。

地方o係酒店三樓餐廳食自助餐。同往年一樣請自己人，姨丈姨媽、契媽契爺、表哥表妹、mimi全家、阿D全家、阿智夫婦、阿祺、謠謠、阿SAM班朋友同“BB”o的同學仔。

 “BB”今日扮到好靚，有好多小朋友一齊，好熱鬧、好開心(如果我o地大人日日係咁就好喇)。

自助餐唔算多野食但氣氛好好，因為安排小朋友玩踩波同紅綠燈遊戲。佢地玩得好投入同好開心，我影左好多相，但有好多相都唔得，而且效果唔理想，真失敗。

原來部450D唔係萬能o既……其實真正原因係自己o的技術差。