風球

今日星期六同以往唔同，外面仲掛緊三號風球落緊毛毛雨，同太太出去買菜(搭巴士去)。買齊就一直返屋企(平時會買埋早餐返去)，o係巴士度為左邊個整早餐同食乜早餐就同太太鬧交。

返工喇!同平時一樣安排好外勤工作就開門做生意，阿宏返早今日有好多同事幫手，天文台o係十二點話個半鐘頭後會改掛八號風球，咁即係話我要點半前要返屋企，但公司無任何特別指示，老闆電話又打唔通，真係無所適從(維有自己決定返屋企)。西環大橋好大風呀，又好大雨呀，無驚無險到埗。

太太o係書房好忙咁睇緊電腦，同我講 ：我未食野等埋你一齊食，你食乜野?

我地決定食麵但係邊個煮o既問題又同太太鬧交。

因八號風球工人黎唔到煮飯，太太又有意見：肥仔冇人煮飯，我地今晚食乜?

肥仔：等我煮喇。(我真係唔想早、午、晚餐都要同太太鬧交)原來屋企都會……掛“風球”架。