好甜嘅手信

2013年4月9日(星期二)

噚日出機場接阿妹…由大阪飛返嚟澳門，帶咗啲新鮮勁甜嘅士多啤梨、柿、粟米、梅乾、草餅仲有狗狗名牌背包(特別買俾毛毛行山用咖)…俾我哋做手信，今次係大豐收…多謝妳呀阿妹。

毛毛 : 多謝姑姐...個背包好醒神有型呀！仲有我最愛嘅士多啤梨...超正...姑姐妳記得去多啲日本呀！


毛爸 : 啲草餅係醬油味...味道咸咸哋。梅乾、粟米、柿係毛媽至愛，士多啤梨超甜(喺澳門買超貴)，多謝阿妹。