單車日誌...媽祖廟

2013年4月6日（星期六）6 : 30 天陰有雨 有強烈陣風 18度

 

今朝六點已經天光，仲見到個天有少少藍色...真係少見。裝身出去踩單車，噚日睇臺灣電視台新聞...講臺灣總統馬英九先生送媽祖上橋出巡，心血來潮踩單車去媽閣廟（供奉媽祖），媽閣同我細個嘅記憶印象有好大嘅唔同，原來我日日都經過嘅地方靜靜雞咁改變緊...我怕好可能過一段時間就會完全陌生，又落雨喇...走鬼呀!

毛爸 :細個印象最深刻嘅係呢個入口...好多人好大煙...

毛爸 : 嗰陣時冇呢個點香塔嘅地方...

毛爸 : 細個嗰陣唔明白同唔識石上啲字...大個咗都唔識...真失禮...


毛爸 : 最大嘅改變係多咗個好大好靚嘅廣場...