為毛毛平反

2013年7月27日（星期六）

噚日一放工返到屋企...家庸好緊張咁向我報告：毛毛又唔肯食野喇。而且更麻煩嘅係連我獎嘅小食毛毛都唔食。
我細心留意毛毛...俾我發覺佢肚仔「咕咕」聲（上次都有咁嘅情況...但我冇重視）毛毛應該係腸胃有啲唔舒服，我照平日咁帶毛毛出街散步...毛毛屙便便同尿尿特別多，返到屋企...毛毛肯食番零食，肚仔亦都冇怪聲。
但正餐狗量始終都唔肯食（毛毛蠱蠱惑惑咁...咁啱今日屋企整豬肉餅做餸，個衰仔應該聞到味以為整俾佢食），最尾都係用「雞肉餐」解決晩餐...了事。

毛毛 : 毛爸，我唔係蠱惑仔...你煮肉餅俾媽咪食...順便煮個雞餐俾我食...我要求唔算過份丫...係唔係？