籠

2013年7月1日(星期一)

毛媽大嗌 ：老公呀 ！ 毛毛走咗入個籠度唔肯出嚟呀 ！ 仲想咬我呀。
好奇怪...毛毛BB嗰陣嚟到屋企...我哋為咗佢有安全感，就放佢入籠...但當夜晚瞓覺、我哋出門返工、出街...就發現毛毛可憐嘅眼神...佢好似求我哋：唔好鎖住我喺個籠度，俾我自由行啦 ！
到毛毛大個仔...喺屋企非常自由，宜家每晩瞓覺、或者做錯事、逃避俾毛媽捉佢清潔耳仔...就會自己走返入個籠...捉佢都唔出嚟，嗰陣會發現毛毛堅決嘅眼神...佢話俾我哋知：你哋唔使諗，我係唔會出嚟咖。
我望住瞓到好甜嘅毛毛...真係好難明...細個嗰陣憎個籠，宜家籠就係安全地帶。

毛爸 : 瞓覺瞓到腳震震...似豬仔多過狗仔...