長跑準備...跑步呢項運動...係健康？定係危險？

2013年7月14日（星期日）

大家都知＂跑步＂係最原始嘅運動...實情＂跑步＂係一啲都唔簡單仲有好多學間嘅運動。

毛爸 : 出發喇...Go...Go...Go...
大學運動科學系-許世全教授講：跑步係一項運動強度唔算高又好安全嘅運動，但跑「馬拉松」就係強度極限運動，簡單啲講跑手體能消耗去到衰竭狀態...會令跑手暈低或者猝死，主要係身體對運動強度嘅承受能力...如果超過強度就會引發疾病。
心臟專科-王國耀院長講；跑「馬拉松」猝死嘅人八成以上都係自己心臟血管出咗問題，而跑「馬拉松」猝死嘅比率二十萬份之一，比例同其他運動差唔多。

毛爸 : 鞋，係跑手嘅最重要拍檔...要小心選擇適合自已腳型嘅鞋...
運動科同心臟科專家提示...參賽嘅人要留意自己身體感覺嘅變化，要識得停低唔好死撐，平時要定期做身體檢查，賽前要有一個系統完善嘅訓練同勤練習。
王醫生仲提醒：如果跑手喺比賽嘅時候...身體感覺同練習嗰陣唔同...咁就必須要停。(資料來自TVB)

毛爸 : 只係需要簡單裝備...就可以樂在其中...
我為咗跑「馬拉松」搜集資料唔係想份專家...只係想家人知到我對長跑嘅認識同對「馬拉松」長跑嘅態度...要家人安心放心...