2009年10月26日 (星期一)
好快就過左開心嘅三日,今日我地搭下晝4點20分班機起程返屋企。今朝我地仲要去買手信...
天公真係識造,臨尾一日先好天出猛太陽 (真無奈、吹漲) 。我地行去西門捷運站嘅另一邊西門町掃貨...
我地要買魚肉鬆俾老豆、買糖、餅俾阿美、同事做手信,仲有去蛋屋食中午飯。可惜大部份嘅舖頭12:00點先開門…咁唯有喺西門町附近行吓。
我地買左啲「冬甩」食,去左「紅樓」影相。計吓計吓仲有好多手信禮物要買,由於盤川用盡,就去銀行換台幣…
毛爸 : 西門町嘅地標...
毛爸 : 附近有間天后宮...好耐歷史咖喇.....
毛爸 : 冬甩喺日本好有人氣要排隊咖...台灣唔使排隊....
毛爸 : 紅樓....外面嗰隻唔知係乜野動物...個樣好搞笑...
毛爸 : 我地喺銀行換錢時見到隻好靚好大隻嘅狗狗,佢好友善同好嗲咖...
行出大街見到一座大廈外牆寫滿字賣廣告...好出位...
毛爸 : 終於等到開門喇...有得食...
毛爸 : 呢兩款蛋包飯係食店嘅皇牌...我地一人試一樣....啲蛋好滑好味...好好食咖
毛爸 : 我地行過 "哈囉吉蒂" 候機室...
毛爸 : 嘩...小朋友專區...真細心...
毛爸 : 我必去嘅地方...
毛爸毛媽 : 我地就係喺呢度同台灣講拜拜咖喇....再見...
沒有留言:
張貼留言