2009年11月3日 (星期二)
深夜3點幾，俾啲奇怪嘅聲嘈醒，毛毛喺佢瞓嗰張咕度典黎典去...跟住就嘔 (嘔左啲半消化嘅糧)...跟住就急急腳走出騎樓便便 (柯爛屎)。
毛媽幫毛毛清潔好...毛毛就再瞓番 (以前都試過第日起身就冇事)，但毛媽同我就瞓得唔好，一直到天光。
毛毛 : 我病左...
今朝好涼好大風，同毛毛出去散步，成條街都好靜。毛毛表現冇乜特別，但行過死敵嘅地盤緊張咁吠左兩聲 (朝早7:20肇慶街回收場黑色番狗，對方好安靜)。
毛毛 : 我行過回收場一定要望一望，睇吓死敵喺唔喺度....
當毛毛便便就發覺有啲唔對，便便成形軟身...第二次仲得人驚，稀嘅便便帶血...返到屋企唔敢俾野毛毛食，打電話掛號約左12:30見醫生。
經醫生詳細檢查，毛毛腸胃炎要打針、食3日藥，今日至聽朝禁食 (等腸胃休息) ，只可飲水。
醫生話毛毛過一日就會好番，冇乜特別唔使覆診，第一時間通知毛媽等佢放心。
毛毛 : 好肚餓呀.............嗚嗚嗚........................仲要捱到聽朝.............
毛毛今朝開始已經冇食嘢喇，仲要挨到聽朝...我臨走見到毛毛佢個眼神好可憐。
- 留言者: F
- Email: F
- 網址:
- 日期: 1970-01-01 08:00:00
沒有留言:
張貼留言