毛爸毛媽毛毛豬: 2009MAWM狗狗同樂日

2009年11月16日星期一

2009年11月15日 (星期日) 下午

大半個月前愛心女士邀請毛毛参加狗狗扮野大賽，聽講早期構思係到時會有個人造泳池俾狗狗游水 (當然睇天氣而定)。

今日下晝我地帶毛毛去襯熱鬧...大會安排左好多遊戲同比賽俾狗狗玩同参加，有障礙賽、鬥重同鬥輕比賽、扮野大賽，獸醫諮詢服務，仲有免費零食俾狗狗試食。

今日非常熱鬧，我地見到好多好友善同特別嘅狗狗。我發覺全場灰色貴婦只有2隻，1隻攞左扮野大獎，另1隻就就係毛毛。

啲姐姐同啲狗主都爭住同毛毛影相，仲問毛毛件警察衫喺邊度買。最搞笑嘅係啲哥哥姐姐一埋黎就問毛毛...喂...小朋友你係阿Sir定Madam呀 ?毛毛今日幾乎成個晏晝都俾啲姐姐圍住同抱抱，講真毛毛今日好開心，仲識左好多朋友仔。值得讚毛毛嘅係見咁多狗狗同人，一聲都冇吠過...毛毛叻仔...

毛爸 : 呢個狗狗同樂日係動物福利會主辦咖...

毛爸 ; 呢位係毛大少爺.... 毛毛 : 叫我毛Sir...

毛爸 : 佢地係狗醫生黎咖...

毛爸 : 毛毛新識嘅朋友仔...

毛毛 : 嗰隻八哥同我打完招呼就唔肯走...

毛毛 : 嘩...靚女呀....

毛毛 : 佢好驚我咖...打招呼都要諗一諗...

毛毛 : 喂...哥哥仔...我係警察，你需然大隻，唔可以亂黎咖...

毛毛 : 好似呢個 "DD"咁同我打招呼就啱喇...

毛毛 : 聽講佢地係孖生咖...

毛爸 :呢個小朋友等緊有心人領養...佢好乖咖...

毛毛 : 佢地係大獎得主...灰色嗰隻女仔黎咖...

毛毛 : 佢地都係攞獎咖...

毛毛 : 全場最重(98磅)同最輕(1磅幾)嘅得主...

毛爸 : 大會做足安全準備...

毛毛 : 毛大少出場喇...吓要走喇...

毛SIR，你好威呀！~
[版主回覆11/18/2009 18:27:00]多謝雨後讚我... ...By毛毛

毛毛, 我收到風果日嘅活動咁順利&秩序良好, 都係全賴有個好警察咋
[版主回覆11/18/2009 18:48:00]梗係啦...有我毛Sir喺度邊個敢喺度搞事....哈哈哈...By毛毛

毛爸毛媽，考下你o地: 毛毛今日見到咁多狗，而且比平日散步的情況混亂，點解佢會一聲都冇吠過呢? (tips: 你o地第一堂時已經學過)
[版主回覆11/18/2009 19:02:00]Sunny sir,我唔識答,又無乜頭緒,有無d咩錦囊,答錯左會自動補答咖。By毛爸

毛毛好有型呀 ~!!!!!!!!!
[版主回覆11/18/2009 00:19:00]多謝....好耐無見過你喇，你好嗎? 同我問候你爸爸媽媽喇...By毛毛

我認得灰色個隻poodle 女，佢地上過"新潮"個本magazine
[版主回覆11/17/2009 15:54:00]係咩...真係睇唔出播.....By毛毛

毛sir, 好型仔呀...
[版主回覆11/17/2009 15:39:00]多謝二師兄...唔好笑我喇.....By毛毛

毛爸毛媽毛毛豬