毛毛對個別嘅狗有偏見

2009年11月10日 (星期二) 早上

毛毛一出大門就轉左，經過第一個街口停一停望一望，前面斑馬線有隻白松鼠行緊過黎…毛毛梗係衝上前啦，我制止同叫佢坐喺度，毛毛就坐喺度狂吠，見唔到對方為止(早上7:25華峯門口，陌生嘅白松鼠狗仔，對方搶繩衝前) 。

我地過馬路兜左個大圈，遇到隻小貴婦同吟吟松鼠 (識嘅，隻松鼠成日"吟吟吟"咁叫) ，毛毛同佢地打招呼 (好開心)，點知頭先嗰隻白松鼠仔加入，毛毛就淨係狂吠佢(早上7:35消防局對開條斑馬線)。

咁嘅情况我就拉毛毛走開，我地行左去濠景，遇到隻黑色流浪番狗 (俾毛爸趕嗰隻)、 大金毛、歌基、臘腸、貴婦，毛毛都好安靜。

回程返到華峯附近…遇到兩隻唐狗 (毛毛死敵)，佢地坐喺華峯門口等食，所以冇理毛毛。但係毛毛就搶繩狂吠佢地，我大聲喝毛毛同噤佢坐低，個百厭仔不停咁吠，佢聽話坐喺度但坐喺度吠。毛毛坐喺度成分幾鐘就吠足咁耐，兩隻唐狗唔走咁我地走囉…行過回收場毛毛望一望…嘩…其餘兩隻唐狗 (毛毛死敵) 行緊出黎…毛毛好似睇唔到佢地咁慢慢跟住我行…咁嘅表現一定要獎。個百厭仔嘅行為真係估佢唔倒…

毛爸 : 衰仔你正經啲...乖啲啦....

毛毛 : 嘻嘻....毛爸你估我晤到咖喇..............

---

• 留言者: Mobear
• Email: morrisamkl@yahoo.com.hk
• 網址:
• 日期: 2009-11-11 12:52:00

點解 毛毛咁多死敵ge?佢係咪嫌人唔夠靚仔呀?
[版主回覆11/12/2009 09:17:00]可能係童年陰影.............By毛爸

---

• 留言者: Laughingtoro
• Email: laughingtoro@ymail.com
• 網址:
• 日期: 2009-11-11 07:34:00

我的Laughing & Toro很喜歡印度人和巴基斯坦人,每次Laughing&Toro 看到印度人和巴基斯坦人，他們會急於接近他們. 因為印度人身上有很強香料味, 巴基斯坦人身上有很強羊肉味道. 我想我的狗把它們作為食物!!
[版主回覆11/12/2009 09:16:00]係咩....我都好鍾意食羊肉咖.....By毛毛