圍欄

今朝7點就開始落大雨，一時停一時又再落雨一直到傍晚。天氣對心情都影響好大，連毛毛都成日掛住訓，同佢玩都唔願意。

前兩日我買左o的料番黎做圍欄，膠通(20mm)3枝15蚊、90度曲8個12蚊、T形曲2個3蚊、膠紮帶1包(100條)7蚊、膠網4尺28蚊。做左兩個22寸x45寸圍欄共投資65蚊。

晏晝毛毛陪住我開工做圍欄 (其實係搞亂檔，擔晒我o的配件去個竇度咬)，花左兩個鐘做好左兩件成品。一個欄住走廊，一個欄住騎樓……毛毛今日好乖成日都訓覺。