耳毛

太太今朝同毛毛去皇家獸醫診所覆診。今朝落好大雨，又係一個唔好o既預兆，搞到自己心緒不靈 (上次覆診落大雨毛毛就有事，今次又落大雨，唔知毛毛會唔會有事呢？)。

傍晚我收工返到屋企，太太同我講今朝o係診所等左成個鐘先輪到毛毛睇。今次毛毛好乖冇吠其他狗，姑娘同佢磅體重2kg又重左。姑娘又話毛毛耳仔有臭味，問太太有冇同毛毛定期洗耳仔。太太：Er……有架。

經醫生檢查，毛毛耳仔有“酵母菌”，耳仔裹面好 “污糟”。宜家要每日早晚都要洗耳仔同滴耳藥治療，仲要掹晒耳窿入面o的毛 (因為o的耳毛會藏濕氣同滋生細菌架)。