五歲

今日七月十六日，毛毛四個月大喇！

書講四個月至七個月嘅狗狗等於人類年齡五歲，毛毛生活得越來越有規律同開心，太太就忙左好多。一早要起身同毛毛梳毛，夜晚收工返到屋企要花時間同毛毛玩（平時嗰啲時間睇報紙同睇書）。

毛毛宜家週圍咁咬野，床仔、報紙、圍欄，太太要成日都大聲鬧佢（搞到太太好激心）。

工人阿美要照顧毛毛都幾麻煩架，廚房係禁地，毛毛跟住阿美出出入入，工人成日都要趕佢出廳（毛毛知道阿美都好錫佢）。

毛毛黎左，屋企熱鬧左，毛毛 “生日快樂”！