跳跳

宜家我或者太太收工返到屋企，毛毛都會喺門口迎接我地，跟住就表演彈跳（跳得好高架）。

今日天氣反常，好熱（有成36度），熱到我有啲唔舒服（人都癲）。熱到太太猛抹汗（好過焗桑拿）。熱到毛毛玩一陣就要飲水（好少見佢飲咁多水）。

夜晚我返到屋企按門鈴叫太太開門，就聽見毛毛狂吠（毛毛梗係歡迎我喇…毛毛good boy）。

太太一開門就同我講，毛毛好醒呀，佢走黎書房催我開門俾你架（原來係…叫人開門）。