2008年10月30日．星期四 (Part A)
今朝扎醒時候已經係7點幾，我出到公園太陽好猛烈温度就得13度。公園有好多白鴿，我影吓相寫吓野好快就過左一個鐘，要返酒店接太太出發去淺草雷門。
我地喺肯德基食早餐，太太叫左客雞粥我就叫熱狗（我都有啲奇怪美國快餐店有雞粥賣）。個服務員識講流利嘅英文架，由於大家講野都明所以對我地招呼週到。
跟住搭火車到淺草，一出車站就見路牌指示淺草寺嘅入口。到正門就見到個大燈籠…“嘩”…好大個燈籠呀！俾想象中仲要大。
入去主殿係要經過一條好長嘅手信街架，望到條街人山人海，我同太太一邊影相一邊買野食，至於手信禮物就番出黎先買。我地一直向住主殿方向行，人實在太多，原來今年係淺草寺50周年紀念，我地真係有緣喇。
...待續
沒有留言:
張貼留言