2008年10月29日．星期三 (Part A)
未夠六點就醒左，唔知係唔係平時習慣左一早起身散步呢，仲有啲掛住毛毛添。今朝氣温10度好凍，俾我想像中仲凍。尋日酒店小巴經過啲地方好有古日本風格，不過夜麻麻睇得唔清楚，所以我決定今朝出去散步影相。
我由酒店向車站方向行，行左半個鐘，沿途風景超靚，可惜嘅係啲樹葉仲係綠色。其實我已經行左5份之4嘅路程，最後都係番酒店。番到房太太啱啱起身，係時間去浸温泉喇。
今日嘅男賓浴場喺1樓，好彩記得唔係入錯地方就搞笑喇。入到澡堂得我一個人，我仲以為入錯地方，我又包場喇。浸完温泉就同太太上6樓食早餐（日式自助餐），啲餸同野食好啱食，味道仲一流（有魚、温泉蛋、湯、飯、粥、麵包10幾款餸），係行程最豐富嘅早餐。
食飽早餐就check out搭番小巴去箱根湯本站，原本編左去玻璃之森，不過呢幾日行左好多路，搭左好多程車，太太已經好攰，所以我地決定今朝個行程悠悠閒閒咁影吓相、買吓野、食吓野，唔駛趕時間。
...待續
沒有留言:
張貼留言