嘗試

阿強離職己經係鐵一樣o既事實，老闆呢輪經常叫o的同事出去消夜穩定軍心。不過無用，管理同行政都係以佢自己利益出發，點叫人為你賣命呀。治標唔治本。

佢咁多年來都無嘗試檢討o下點解，咁多有用o既人才入職後都用盡所有方法同理由離開公司。佢搞到自己身邊冇一個親信或得力助手(好可憐呀)。

依家有好多時都o係書房寫日誌，發覺地方好亂、太太又存o左好多寶物o係房度，電腦檯又太大佔o左好多地方。心目中要加多兩個書架，換過張新電腦檯，加多幾個膠箱等太太o的寶物歸一放埋一齊，其實我都應該“嘗試”重新改變書房o既擺設，等太太同我多o的空間用。