單車日誌...單車親子樂

2015年3月21日（星期六）17:30 陰天 微風 21度

今日下晝先出去踩單車，習慣上呢啲時間我都會去單車徑踩單車，原因係⋯少人少車。

但今日就好熱鬧（忘記咗今日係星期六）⋯好多父母帶著小朋友到單車徑踩單車同學踩單車，見到好多父母滿頭大汗⋯大聲疾呼：阿B小心呀！唔好踩咁快呀！而小朋友就面紅紅⋯好似聽唔到爸爸媽媽叫咁搏命向前衝。

我好想信呢班係好幸福嘅小朋友，我好响往嗰種幸福嘅感覺更响往小朋友嗰種勇敢向前唔怕受傷嘅精神，今日基本上係陪住啲小朋友踩單車。

毛爸：平日水靜河飛...假日水洩不通....