令人憂心嘅毛毛...毛毛3日冇便便

2015年3月7日(星期六)

2015年3月3日（星期二）自從我哋出咗門去旅行之後⋯每次喺天眼睇毛毛都發覺佢瞓喺按摩椅上面，幾乎日日都係咁，工人講毛毛食餐好正常⋯但問題係唔肯出騎樓便便⋯仲已經第3日，實情我都明白⋯毛毛平時每日落街散步2次，尿尿同便便都喺街解決⋯呢幾日突然間冇得落街⋯唔肯便便算係正常，不過⋯3日都唔便便未免令人擔心喇⋯

工人姐姐：少爺仔求下你啦...出騎樓便便啦...

毛毛：唔好意思...我唔習慣喎...

毛毛：唔好炸帝同我裝身...我就會出騎樓便便喎...我要落街玩...