我有你相伴

2017年2月7日（星期二）

一個長假期⋯多咗時間留喺屋企，亦多咗時間陪伴家人，原來無論人或者寵物都好怕孤獨，由其係毛毛。

毛毛近期特別痴身，因為除咗放假平日冇咁多時間相陪，佢任何時間都跟出跟入⋯我入廚房煮飯、去便便丶沖涼⋯毛毛就會坐喺門口等我，如果我去耐咗毛毛就會 R 門。

心入面一直都咁想「小朋友係需要家人陪伴咖」，但當自己放假、受傷休息、病咗瞓床、失落又或者冷靜咁停落來嘅時候⋯會發覺毛毛小朋友就喺身邊全天候咁陪伴住我......

細心想⋯唔係毛毛要我哋陪，而應該係毛毛陪伴我哋至真⋯⋯

有你（毛毛小朋友）相伴...你為我家帶來充滿歡樂嘅正能量，多謝你...

毛毛：咁...你識做啦，有乜好野食攞晒出嚟啦...快快快

毛爸：衰仔，浪漫啲唔得嘅...為食豬...