毛毛心聲…行星星公園、做「毛豆」

2013年12月21日(星期六)

今日係洗白白嘅日子所以…今早一定有得出去玩，目的地係星星公園，自從個公園仔唔俾狗狗入之後好耐冇去過喇，今次毛爸去影相順便帶埋我去週邊行吓。

因為有花展今朝好熱鬧…仲有好多哥哥姐姐不停咁爭住影我相，實情今朝係去做「毛豆」忙死…

毛毛 : 今朝好開心呀 ~

毛毛 : 各位哥哥、姐姐、龍友...要影相就快啲手喇...我好忙咖...

毛毛 : 毛爸、媽咪返到屋企仲要影？得未呀？好攰呀...

毛爸 : 毛毛正經啲啦...你好靚仔呀...

毛媽 : 阿仔你好似...想殺人咁咖...