毛毛令旁人驚一驚嘅舉動

2013年12月15日（星期日）

前日傍晚帶毛毛落街散步嗰陣⋯經過回收場準備上天橋，毛毛就喺橋腳便便，當我踎低處理緊便便⋯毛毛突然好兇悍咁向前標同大聲狂吠，嚇到附近「煲煙一族」大嗌同四散，實情係回收場有隻黑色唐狗衝出來挑戰毛毛（隻黑色唐狗係回收場嘅新成員，平日好八卦好活躍咁周圍走同周圍吠人，但好服從主人指令）⋯結果被毛毛兇走。

毛毛 : 事出突然...自然反應啫...但啲哥哥姐姐話我狗仔細細好勁呀！我真係咁勁？

毛爸 : 叻喇叻喇...百厭星...