擔心

零晨開始落大雨，一直都未停過。斷斷續續已經好多日，心情都變左冷冰冰。今朝想起十二號後就會接狗狗番黎屋企，諗起都好緊張。

我個女文文今年已經二十歲。我做父親o既對女兒都會有期望，由佢細細個開始教育同保護佢，付出半生o既時間、無盡金錢、無限o既耐性、想盡辦法，希望佢快樂、健康成長。但係好擔心到有朝一日，佢同你講，DADDY我大個女喇。咁即係話佢已經有自己o既想法，價值觀同理想，有自己渴望o既自由，到時佢會選擇離開你。天啊…你會好無奈覺得自己一生o既投資一時之間乜都冇晒。雖然佢已經成長，但係仍然擔心佢o既將來。其實為人父母，責任係一生一世o既…擔心…咁幾時先可以放心呀？