前晚同太太食飯傾偈，因為狗狗o既命名而發生口角。
肥仔：我查過“啤俾”呢個名，除左解熊之外又解作承擔，熊俾人有強者o既感覺，狗狗黎到我地屋企要承擔起做橋樑o既角色，好有意思呀。
太太：人地係女仔黎架，啤啤個名咁普通又咁男仔，賣家話十隻有九隻係叫呢個名架，仲有我公司有個好乞人憎o既同事又係叫“啤”架 (o個個人咁衰格改個狗名好岩)，我諗左好耐，要同狗狗改個名叫“Mui Mui”。
肥仔：叫“妹妹”個名叫唔響架我唔鐘意，我個助手又係叫“妹妹”，個名冇意思 (俾人覺得似妹仔多o的)，唔好。
太太：咁“妺妹”個名有乜唔好呀？阿妹“梅艷芳”唔好意頭？我一早決定改 “妹妹”呢個名架喇。
肥仔：是但妳喇，我唔講喇 (冷戰開始)。
好失望、無奈、令我又想反對養狗，屋企增加個成員唔簡單架，我信唔怕生壞命最怕改錯名，而且銅銅個乳名叫阿妹。我唔想改狗狗個名太人性化，寵物或者係動物o既命名，我覺得應該改個又威又有意思o既名就最適當…
沒有留言:
張貼留言