節能

2013年6月26日（星期三）

上星期...一個夜晚睇電視...主持講有關節能嘅問題，聽講有啲人為響應節約用水一改習慣...幾日先沖一次涼、一個星期洗一次頭（用一種乾洗方法保持清潔），我自問呢啲方法接受唔到。
其實節能...屋企好耐之前己經將照明改用省電電燈泡、夏天〜冷氣機臨瞓先開、冬天〜暖風機太太同毛毛沖涼先開、水喉改用省水水龍頭、分好啲舊報紙雜誌、气水鋁罐、膠樽包好俾收垃圾阿姐賺外快。
以上啲簡單方法好多人都識做但唔知點解佢哋堅持唔到，節約能源唔係掛喺口邊成日講...重點係要持之以恆，而將呢種行為變成自己嘅習慣...先至會達成最終目標。