毛毛係乖嘅小朋友

2013年2月13日（星期三）

自從coffee嚟屋企渡假同毛毛相處之後...我就發覺毛毛其實係好乖。
毛毛冇「護物」嘅惡習連對食物我哋叫佢停食就會停，毛毛玩到癲嗰陣會咬人衫袖（有時會咬到手背啲肉），只係玩唔會惡意咬人。
食野方面Coffee無論 正餐或者零食都要人喂食，而且未必樣樣食物都食，毛毛對所有食物照單全收。
要幫Coffee梳洗梳毛你一定會成手都傷晒，毛毛對梳洗梳毛好有耐性任你舞，只係以上幾點大家相比...毛毛真係乖，係個好孩子。

毛爸 : 我哋好可能對於自己寵物嘅行為服從都有過份要求...
毛毛 : 唔好俾我大少嘅型象吾導呀...我係乖仔黎咖...