毛毛屙好多便便

2013年2月18日（星期一）

噚日朝五點幾毛毛走嚟床邊叫醒我，但我又瞓番...到瞓醒嗰陣已經好晏，即刻帶毛毛落街散步。
毛毛都好似好急咁一落到街就尿尿...再行前小小就便便，我地過到對面街毛毛又便便...當我烏吓烏吓執屎嘅時候就發覺...嘩~點解毛仔屙到成地都係屎咖（成十嚿），衰仔係唔係肚屙呀？後尾發覺自己擺烏龍大部份係第二啲狗屙嘅，我執晒啲屎都冇所為，最緊要毛仔唔係肚屙。

毛爸 : 毛仔乜你瞓到咁...麻甩佬咖...