銅銅嘅朗誦表演

嗨，大家好，今日我以介紹我最珍貴嘅寳物作為我嘅朗誦題目...

宜家有無同學估到我最珍貴嘅寶物是乜嘢？就係我嘅茶杯貴賓犬佢叫Coffee。舊年，我爸爸媽媽喺一間叫"Mini"嘅寵物舖頭買番黎俾我，喺嗰度我地見到好多狗狗，我地簡左好耐，商量吓應該買邊隻狗，最後，我地睇到一隻只有4個月大嘅狗狗，它有一層啡色的毛毛，頑皮又可愛，咁媽媽就決定買左佢做我嘅生日禮物。

佢係女仔黎咖，我地叫佢個名 做"Coffee"，有人話Coffee個生日係11月2號。嗰日我地請左舅父同佢地隻狗狗(毛毛)一齊為Coffee慶祝生日，舅父仲買左個狗蛋糕俾佢。Coffee好鍾意個蛋糕。

我嘅媽媽對Coffee非常愛錫，梗係喺我地食飯嘅時候獎佢食物，所以，Coffee好鐘意媽媽，似乎coffee似係我媽媽嘅生日禮物多啲，而唔係我嘅禮物。

雖然Coffee宜家大左好多，大到好似係玩具貴賓犬咁大隻，但我地全家人都好愛錫佢，因為Coffee好識搞氣氛令大家開心，佢當我地係佢最好嘅朋友。因為我地一齊開心成長 , 所以我諗我要好珍惜我地呢種友誼。

Coffee好聰明，佢經常學野都好快織，咁係因為貴賓犬係世界上第二聰明嘅狗狗。