一次過補番數

2012年5月16日(星期日)

今朝一早起身帶毛毛到海邊例行散步 , 毛毛好生猛開心 , 可能好耐都冇出黎玩....散完步返屋企食早餐。

毛毛 : 今日天氣唔係特別好 , 但心情就特別好...

毛媽起身提議去松山行山...咁...我地又出發 , 行完山之後毛媽又提議去路環X記食野(因為嗰度有露天座位狗狗都可以一齊坐)。

毛毛 : 啱啱行完一個圈松山...

毛毛 : 毛爸梗係又去影花草啦...

咁...又再出發...去到X記人山人海 , 咁啱揾到車位泊車但食野就要搭枱喇 , 今日好旺見好多人都帶住狗狗黎食野 , 毛毛見到啲狗狗就狂吠...唔知佢想打交定交友。

毛爸 : 我叫左個排骨飯食...

喺呢度有樣特別嘅服務就係...如果你泊車阻住人地駕車 , 嗰啲阿姐(服務員)會用 "大聲公"叫你駛開駕車俾入出車...今朝去咁多地方真係乜數都補番晒....

毛毛 : 要返屋企喇...真係有啲唔想走...

毛毛 : 返到屋企先知攰...最好梗係 "覺覺豬"啦...