毛爸毛媽毛毛豬: 台灣、台北--Day 1 (Part II)

2009年10月27日星期二

2009年10月23日 (星期五)

去到酒店check-in左我地就出去食野...

首先搭捷運去鼎泰豐食小籠包、度小月食擔仔麵，跟住去誠品買書、新光三越買手信同食野...

毛爸 : 好耐之前黎過...同之前一樣乜都冇變過...我地叫左蟹粉小籠包同醉雞...

毛爸 : 啲服務員帶晒對講機、服務又好，好Pro咖...仲有啲得意紀念品賣添...

毛爸 : 「度小月」每次去台灣必去嘅食店...梗係去食擔仔麵、貢丸、龍蝦卵河粉卷...

毛爸 : 店入面有兩幅彿像木刻藝術精品，一望見就覺得個心好祥和舒服...

毛爸 : 太太一定要去嘅地方...「誠品」、「新光三越」...

毛爸 : 咁啱撞正方大同做宣傳，人山人海...不過我地揾書太投入...錯過左...

毛媽 : 毛爸見到茶葉就會發狂...毛爸係咁倚就買左三千蚊台幣...

毛爸 : 毛媽見到甜品都會發狂，我叫左毛媽最鍾意食嘅鰻魚飯套餐，送沙律、茶碗蒸，我就食最鍾意嘅烏冬、豆腐，另外仲買左蛋餻...手信就有太陽餅、豬肉紙...

肥仔小朋友 : 叔叔同姨姨叫咁多野食唔知使唔使我幫手食呢 ?

台灣真係多美食 , 玩完返嚟一定肥咗呢 ~!!
[版主回覆10/28/2009 20:41:00]啲野超好食...返到黎直頭大一個碼....哈哈哈...By毛爸毛媽

台灣真係好多野食!睇見就流口水......
[版主回覆10/27/2009 23:54:00]係呀...係呀你仲會有口味一新嘅感覺，有機會一定要去吓...By毛爸

毛爸毛媽毛毛豬