2009年10月15日 (星期四)
今朝天氣好涼爽…一開門就聽到隔離屋啲小朋友出門返學，毛毛就狐狐聲，仲細細聲吠左兩聲，毛媽就 “No” 毛毛。
落到街見到有個賓哥哥跑過身邊…毛毛就狂吠，係我放鬆左，正確做法係叫住毛毛注意我嘅指令。
今朝都遇到十幾隻狗狗散步，有個阿姨拖住兩隻狗 (一隻比熊一隻金毛) ，毛毛見到就要行埋去打招呼 (冇吠) 。同比熊互聞完，比熊好驚咁走開，但係隻金毛就搶繩仲好想同毛毛打交道，拖拉期間金毛甩左頸帶，搞到阿姨好驚同好尴尬。我地走開，毛毛全程反應平常。
過左馬路又撞到黑、白流浪狗向住我地行埋黎，毛毛就紮行馬狐狐聲準備出擊，我向前行同趕佢地走開，毛毛就做左我前峯，一路狐…一路向前行仲吠左幾聲，過程只係十幾秒…我地就離開。
總括今朝，毛毛表現合格但唔穩定，其中應該同我發出指令有關…
毛毛 : 毛爸話我唔可以學 "流浪飛仔" 咁撩事鬥非咖…宜家練習學做 "斯文乖仔"…
毛毛 : 做晒練習喇，返屋企玩執波波同食大餐…
沒有留言:
張貼留言